Selecciónde Xuiz de Paz Titular do Concello de Xove

• 

 

No Boletín Oficial da Provincia núm. 233 de data 10 de octubro de 2018 publicouse o Anuncio que a seguir se transcribe integramente:

Tendo comunicado o Tribunal Superior de Xustiza de Galicia o seu acordo de data 21 de setembro de 2018 instando o inicio do expediente para a elección de Xuiz de Paz Titular do Concello de Xove, por estar próximo o vencemento o período de catro anos do anterior, tal e como dispón o art. 101.4 da Lei Organica 6/1985, de 1 de xullo, do Poder Xudicial, todas aquelas persoas interesadas en partcipar no procedemento de selección deberán presenta-la correspondente solicitude no Rexistro Xeral do Concello de Xove no plazo dos dez (10) naturais seguintes ó de publicación do presente Bando no Xornal “ La Voz de Galicia – Edición de A Mariña “ e no Boletín Oficial da Provincia de Lugo.

O citado prazo contarase a partir do día seguinte o da publicación do presente anuncio no BOP.

Os interesados deberán reuni-las condiciones previstas no art. 23 do Reglamento 3/1995, de 7 de xuño, de Xuices de Paz (RXP) e nos arts. 102, 302 e 389 a 395 da Lei Orgánica de 1 de xullo de 1985, do Poder Xudicial (LOPX), é dicir:

• Ser español ( acreditarase coa achega de copia compulsada do DNI).
• Maior de idade. ( acreditarase coa achega de copia compulsada do DNI )
• Non estar incurso en causa de incapacidade prevista na Lei especificándo a profesión actual do solicitante. (acreditarase coa achega de Declaración Xurada)
• Non ter sido procesado, inculpado ou condenado, agás que se obtivera o sobreseimiento, a absolución ou a rehabilitación. ( acreditarase coa achega de Declaración Xurada )
• Non concorrer ningunha das causas de incompatibilidade e/ou prohibición do Capítulo II do Ttítulo II (artículos 389 a 397 da LOPX). ( acreditarase coa achega de Declaración Xurada na que deberá especificarse a profesión actual do solicitante )
• Non pertencer a ningún partido político.(acreditarase coa achega de Declaración Xurada )
• Tela residencia efectiva no Concello de Xove. (acreditarase coa achega de Certificado de Empadronamento ).

Igualmente os interesados deberán aportar a documentación acreditativa de:

• Titulación Académica que se posúe.
• Experiencia profesional relacionada co cargo obxecto de provisión.
• Cursos de Formación realizados relacionados coas tarefas propias do cargo obxecto de provisión.

Os interesados en participar no proceso selectivo teñen o seu dispor o correspondente expediente na Secretaría do Concello de Xove.

O prazo de presentación de solicitudes remata ás 14 horas do vindeiro luns día 22 de octubro de 2018.