Mañáns divertidas 2019

• 

Dende o 2 de xullo ata o próximo 22 de agosto un grupo de 23 rapaces e rapazas de idades comprendidas entre os 10 e os 13 anos participan todos os martes, mércores e xoves no proxecto de voluntariado “Mañáns Divertidas” levado a cabo pola Oficina de Información Xuvenil (OMIX) xunto con cinco rapazas voluntarias: Sara Martínez Martínez, Eva Hermida Quelle, Alba Villarquíde Pérez, Laura Cuadrado López e Sofía López Lousas.

Dentro das actividades que se realizan están: xogos no exterior, cociñarte, recuncho de tarefas, TICS, robótica e sendeirismo entre outras actividades de lecer que pretenden ocupar as mañáns dos participantes.